დავით გაბაიძე - ჩვენთვის განსაკუთრებით მნიშვნელოვანია ყველა ღონისძიება, რომელიც ქართულ ენას, მის დიალექტოლოგიურ მრავალფეროვნებას ეძღვნება

"ჩვენთვის განსაკუთრებით მნიშვნელოვანია ყველა ღონისძიება, რომელიც ქართულ ენას, მის დიალექტოლოგიურ მრავალფეროვნებას ეძღვნება. განსაკუთრებით ღირებულია კვლევები, რომლებიც საქართველოს საზღვრის მიღმა მცხოვრები ჩვენი თანამემამულეების დიალექტს ეძღვნება" ,- ამის შესახებ აჭარის ავტონომიური რესპუბლიკის უმაღლესი საბჭოს თავმჯდომარემ დავით გაბაიძემ, ბათუმის შოთა რუსთაველის სახელმწიფო უნივერსიტეტში, აკადემიკოს არნოლდ ჩიქობავას დაბადების 120 წლისთავისადმი მიძღვნილ 38-ე რესპუბლიკური დიალექტოლოგიური სამეცნიერო სესიის გახსნის ღონისძიებაზე განაცხადა.

აჭარის უმაღლესი საბჭოს ინფორმაციით, დავით გაბაიძემ სამეცნიერო სესიის მონაწილეებსა და ორგანიზატორებს, ამ მიმართულებით გაწეული საქმიანობისათვის, გულითადი მადლობა გადაუხადა და შემდგომი წარმატებები უსურვა.

თსუ-ს არნოლდ ჩიქობავას სახელობის ენათმეცნიერების ინსტიტუტისა და ნიკო ბერძენიშვილის სამეცნიერო ინსტიტუტის მიერ ორგანიზებული სამეცნიერო ფორუმი ოთხ სექციად ორი დღის განმავლობაში იმუშავებს.

საქართველოს სხვადასხვა სამეცნიერო ინსტიტუტისა და უმაღლესი სასწავლებლების 50-ზე მეტი მეცნიერი დიალექტოლოგიის ფუნდამენტურ საკითხებზე იმსჯელებს. დიალექტოლოგიური სესია პირველად 1960 წელს გაიმართა, 1980 წლიდან კი ის ყოველწლიურად ტარდება.

რამაზ საყვარელიძე - ჩვენი საზოგადოების პრობლემა ისაა, რომ მან ახალი ამბიციური და ბრძოლისუნარიანი პოლიტიკური ძალა, ჯერჯერობით, ვერ წარმოშვა
ქართული პრესის მიმოხილვა 18.01.2020
ასლან ბჟანია - სოხუმსა და თბილისს შორის დიალოგი უნდა იყოს, როგორ ფორმატში, რა ფორმით, მნიშვნელობა არ აქვს
რას უტოვებს ტექნიკური უნივერსიტეტის კანცლერი შემცვლელს - კარლო კოპალიანს?
თენგიზ ცერცვაძე - სიმართლე საქართველოს C ჰეპატიტის ელიმინაციის პროგრამის შესახებ
Livo.ge-ზე უძრავი ქონების სერტიფიცირებული შეფასება 24 საათში 39 ლარად არის შესაძლებელი
სილქნეტის ოპტიკურ ქსელში დღეიდან სატელევიზიო პაკეტები იცვლება
კომპანია „თბილღვინომ“ 50 რჩეული მასპინძელი გამოავლინა