საფრთხის წინაშე ვართ, რომ ვბრუნდებით წარსულში, ვბრუნდებით იქ, სადაც არავის უნდა დაბრუნება. მე არ მინდა იმ ქვეყანაში დაბრუნება, სადაც თავისუფლება აღმიკვეთეს უსამართლოდ. ეს გავიარეთ, - ამის შესახებ თბილისის საკრებულოს წევრმა ვახტანგ შაქარიშვილმა „პალიტრანიუსის“ გადაცემაში „360 გრადუსი“ განაცხადა.
მისი თქმით, ის მხარს უჭერს სალომე ზურაბიშვილს და საკუთარი არჩევანის სისწორეში დარწმუნებულია. „მე მას მხარს ვუჭერ და დარწმუნებული ვარ ამ არჩევანის სისწორეში იმიტომ, რომ ის იქნება სწორედ იმ კონსტიტუციურ რეალობაში, რომელიც დადგება ახალი პრეზიდენტის არჩევის შემდეგ, ყველაზე ადეკვატური და სწორი კანდიდატი ჩვენი ქვეყნისთვის. მე არ მინდა მისი როლი ამ პროცესში დავაკნინო, მაგრამ აქ უკვე სხვანაირად დგას საკითხი. საფრთხის წინაშე ვართ, რომ ვბრუნდებით წარსულში, ვბრუნდებით იქ, სადაც არავის უნდა დაბრუნება. მე არ მინდა იმ ქვეყანაში დაბრუნება, სადაც თავისუფლება აღმიკვეთეს უსამართლოდ. ეს გავიარეთ“,- განაცხადა შაქარიშვილმა.