აშშ-ის პრეზიდენტმა დონალდ ტრამპმა საფრანგეთის პრეზიდენტი ემანუელ მაკრონი გააკრიტიკა, რომელიც საერთო ევროპული ჯარის წინადადებით გამოვიდა.
„საფრანგეთის პრეზიდენტი მაკრონი ამბობს, რომ ევროპამ აშშ-ის, ჩინეთისა და რუსეთისაგან დასაცავად საკუთარი ჯარი უნდა შექმნას. ეს ძალიან საწყენია. ალბათ, ევროპამ ჯერ საკუთარი სამართლიანი წილი უნდა შეიტანოის ნატო-ში, რომლის სუბსიდირებასაც დიდწილად აშშ ახორციელებს“, - წერს ტრამპი „ტვიტერის“ საკუთარ გვერდზე.
შეგახსენებთ, რომ რადიოსადგურ Europe 1-ის ეთერში მაკრონმა განაცხადა, რომ ევროკავშირს სჭირდება საკუთარი შეიარაღებული ძალები, რათა თავდაცვის საკითხებში ევროპა აშშ-ზე აღარ იყოს დამოკიდებული.