მაია ცქიტიშვილმა აბაშის მუნიციპალიტეტში მიმდინარე ინფრასტრუქტურული პროექტები დაათვალიერა

რეგიონული განვითარებისა და ინფრასტრუქტურის მინისტრმა მაია ცქიტიშვილმა მარტვილისა და აბაშის მაჟორიტარ დეპუტატთან, ოთარ დანელიასთან და აბაშის მუნიციპალიტეტის მერთან, ლევან მაკალათიასთან ერთად, აბაშის მუნიციპალიტეტში მიმდინარე ინფრასტრუქტურული პროექტები დაათვალიერა, - ამის შესახებ „ინტერპრესნიუსს“ რეგიონული განვითარებისა და ინფრასტრუქტურის სამინისტროდან აცნობეს.

მათივე ინფორმაციით, აბაშის მუნიციპალიტეტში წყალმომარაგების სისტემის რეაბილიტაცია მიმდინარე წლის თებერვალში დაიწყო. სამუშაოების დასრულება 2019 წლის თებერვალში იგეგმება, რის შედეგადაც ქალაქ აბაშისა და 9 სოფლის წყალმომარაგება გაუმჯობესდება. პროექტს 12 მილონი ლარით აზიის განვითარების ბანკი აფინანსებს.

„ქალაქ აბაშასა და მიმდებარე სოფლებს სასმელი წყალი წლებია აზბესტის ამორტიზებული მილებით მიეწოდება. სისტემის სიძველის გამო ხშირია დაზიანებები და წყალმომარაგების შეფერხებით მიწოდება. პროექტის ფარგლებში, არსებული 15 კმ. სიგრძის აზბესტის მაგისტრალური ხაზი შეიცვლება პოლიეთილენის ახალი მილსადენებით. სამუშაოების დასრულების შედეგად, ქალაქისა და ცხრა სოფლის 4 000-მდე მცხოვრები ხარისხიანი წყალმომარაგებით იქნება უზრუნველყოფილი და მომავალი წლის გაზაფხულიდან თანამედროვე სტანდარტების შესაბამისი, განახლებული წყლის ინფრასტრუქტურით ისარგებლებს“, - აღნიშნულია გავრცელებულ ინფორმაციაში.

აბაშაში ასევე მიმდინარეობს ცენტრალური პარკის აღდგენა-მოწყობისა და სასწრაფო სამედიცინო ამბულატორიის მშენებლობის სამუშაოები.

„2019 წლისთვის ჩვენ გვაქვს გათვალისწინებული 14 მილიონამდე ლარის პროექტების განხორციელება აბაშის მუნიციპალიტეტში, ვგეგმავთ ახალი სკოლის და 6 ახალი ბაღის მშენებლობას. ასევე, რა თქმა უნდა, ათობით კილომეტრი გზის მშენებლობა-რეაბილიტაციას და სხვა სახის ინფრასტრუქტურის გამართვას, როგორიცაა ამბულატორიები, კულტურული და სპორტული დანიშნულების ობიექტები“- განაცხადა მაია ცქიტიშვილმა.

რამაზ საყვარელიძე - ჩვენი საზოგადოების პრობლემა ისაა, რომ მან ახალი ამბიციური და ბრძოლისუნარიანი პოლიტიკური ძალა, ჯერჯერობით, ვერ წარმოშვა
ქართული პრესის მიმოხილვა 18.01.2020
ასლან ბჟანია - სოხუმსა და თბილისს შორის დიალოგი უნდა იყოს, როგორ ფორმატში, რა ფორმით, მნიშვნელობა არ აქვს
რას უტოვებს ტექნიკური უნივერსიტეტის კანცლერი შემცვლელს - კარლო კოპალიანს?
თენგიზ ცერცვაძე - სიმართლე საქართველოს C ჰეპატიტის ელიმინაციის პროგრამის შესახებ
Livo.ge-ზე უძრავი ქონების სერტიფიცირებული შეფასება 24 საათში 39 ლარად არის შესაძლებელი
სილქნეტის ოპტიკურ ქსელში დღეიდან სატელევიზიო პაკეტები იცვლება
კომპანია „თბილღვინომ“ 50 რჩეული მასპინძელი გამოავლინა