გიორგი მშვენიერაძე პროკურატურას მოუწოდებს, პარლამენტის შენობის წინ განვითარებულ მოვლენებზე გამოძიება დაიწყოს
„საქართველოს დემოკრატიული ინიციატივის“ ხელმძღვანელი გიორგი მშვენიერაძე პროკურატურას მოუწოდებს, რომ პარლამენტის შენობის წინ განვითარებულ მოვლენებზე გამოძიება დაიწყოს.
როგორც მშვენიერაძემ ტელეკომპანია „რუსთავი 2“-ის ეთერში საუბრისას აღნიშნა, შეკრება-მანიფესტაციის უფლების ხელის შეშლა დანაშაულია.
„საქართველოს სისხლის სამართლის კოდექსში გვაქვს მუხლი, რომელიც შეკრება-მანიფესტაციის უფლების ხელის შეშლას ეხება. ეს არის დანაშაული და კიდევ ერთხელ მოვუწოდებ მთავარ პროკურატურას, დაიწყოს გამოძიება. რაც ჩვენ დღეს ვნახეთ, ეს იყო ადამიანებისთვის ხელის შეშლა, რომ საკუთარი კონსტიტუციური უფლებით ესარგებლათ“, - განაცხადა მშვენიერაძემ.
პარლამენტის შენობასთან ზაზა სარალიძისა და მალხაზ მაჩალიკაშვილის მხარდამჭერ აქციაზე კარვების დადგმის გამო აქციის მონაწილეებსა და პოლიციას შორის დაპირისპირება მოხდა.
v-if="article.gallery" v-html="article.gallery"
