კასპის რაიონში, სოფელ ქვათახევში ხანძარია. ცეცხლი ტყის ქვედა საფარს უკიდია. წინასწარი ინფორმაციით, დამწვარია 10 ჰა ფართობი.
როგორც საგანგებო სიტუაციების მართვის სამსახურში აცხადებენ, ხანძარი ამ ეტაპზე ლოკალიზებულია. მათივე ინფორმაციით, დასახლებულ ტერიტორიებზე ცეცხლის გავრცელების საშიშროება არ არსებობს.
რთული რელიეფის გამო ხანძრის ქრობის პროცესში ჩართულია ცოცხალი ძალა. ადგილზე მუშაობს 25 მეხანძრე-მაშველი.