გაერთიანებული ოპოზიციის წევრის ინფორმაციით, აჭარის მთავრობის სახლში სუს-ის უფროსი შეხვედრას მართავს

აჭარის მთავრობის სახლში გაერთიანებული ოპოზიციის „ძალა ერთობაშია“ წევრი ელგუჯა ბაგრატიონი ცდილობს შესვლას.

მისი ინფორმაციით, შენობაში სახელმწიფო უსაფრთხოების სამსახურის უფროსი ვახტანგ გომელაური იმყოფება და აჭარის მთავრობის თავმჯდომარესთან თორნიკე რიჟვაძესთან შეხვედრას მართავს, რომელსაც, მისი თქმით, სავარაუდოდ, არჩილ ხაბაძე და ზურაბ პატარაძეც ესწრებიან.

„მე ვარ აჭარის უმაღლესი საბჭოს დეპუტატი და არ მეძლევა უფლება, რომ მთავრობის სახლში შევიდე. შენობაში იმყოფება სუს-ის უფროსი და მართავს შეხვედრას რეგიონის პირველ პირებთან, რათა საარჩევნო პროცესებში დაშინებით, შანტაჟით და მუქარით მოხდეს ხმის მიცემა. კონკრეტული დავალებების მისაცემად სპეციალურად ჩამოვიდა აჭარის რეგიონში. ვითხოვ შენობაში შესვლას“, - განაცხადა ელგუჯა ბაგრატიონმა.

აჭარის მთავრობის სახლთან მობილიზებული არიან სამართალდამცველები. რაც შეეხება ელგუჯა ბაგრატიონს, მას დაცვის თანამშრომლები შენობაში შესვლის უფლებას არ აძლევენ.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს