თსსუ-ში კერატოკონუსის საერთაშორისო დღე კონფერენციით აღნიშნეს. როგორც „ინტერპრესნიუსს“ თბილისის სახელმწიფო სამედიცინო უნივერსიტეტიდან აცნობეს, ოფთალმოლოგებისა და რეზიდენტებისთვის გაიმართა კონფერენცია – „კერატოკონუსი - დიაგნოსტიკა, მკურნალობა და კორექცია“.

კონფერენციას მედიცინის მეცნიერებათა დოქტორი, პროფესორი მერაბ დვალი ხელმძღვანელობდა. დამსწრე საზოგადოებას საკუთარი ცოდნა და გამოცდილება გაუზიარეს ამ დარგის საერთაშორისო ექსპერტებმა: პროფესორმა ვინჩენცო სარნიკოლამ (იტალია), პროფესორმა ქრისტინა ნიკულამ (რუმინეთი) და პროფესორმა ანდრეი ზალატარევკიმ (რუსეთი).

როგორც პროფესორმა დვალმა აღნიშნა, დაავადება ვითარდება ახალგაზრდა ასაკში და პროცენტულად გავრცელებულია ამიერკავკასიის ქვეყნებში, ამიტომ, საქართველოსთვის საკითხი საკმაოდ მნიშვნელოვანია. მისი განცხადებით, საქართველოს უკვე 15-წლიანი გამოცდილება აქვს როგორც კერატოკონუსის დიაგნოსტიკაში, ასევე მის სკრინინგსა და მკურნალობაში. კონფერენციის ქართველ და უცხოელ მონაწილეებს სერტიფიკატები გადაეცათ.