აბაშის მუნიციპალიტეტის მერმა ლევან მაკალათიამ ინფრასტრუქტურის მინისტრს  ანგარიში ჩააბარა

აბაშის მუნიციპალიტეტის მერმა, ლევან მაკალათიამ, რეგიონული განვითარებისა და ინფრასტრუქტურის მინისტრს, მაია ცქიტიშვილს, მუნიციპალიტეტის ტერიტორიაზე დასრულებული და მიმდინარე მასშტაბური ინფრასტრუქტურული პროექტების შესახებ ანგარიში ჩააბარა.

როგორც „ინტერპრესნიუსს“ აბაშის მუნიციპალიტეტის მერიიდან აცნობეს, მინისტრი მარტვილისა და აბაშის მაჟორიტარ დეპუტატთან, ოთარ დანელიასთან და ადგილობრივ ხელისუფლებასთან ერთად გაეცნო აბაშაში, ზვიად გამსახურდიასა და მერაბ კოსტავას სახელობის პარკის კეთილმოწყობის სამუშაოებს, რომელიც ადგილობრივი ბიუჯეტისა და რეგიონებში განსახორციელებელი ფონდის თანადაფინანსებით ხორციელდება და მისი ღირებულება 1 740 367 ლარია. სამუშაოები მიმდინარე წლის ივნისში დაიწყო და მომავალი წლის თებერვალში დასრულდება.

ასევე, მათ დაათვალიერეს „საგანგებო სიტუაციების კოორდინაციისა და გადაუდებელი დახმარების ცენტრის" ოფისის მშენებლობა და სამიქაო-მაიდნის ტერიტორიაზე მიმდინარე წყალმომარაგების სისტემის სარეაბილიტაციო სამუშაოები.

ლევან მაკალათიას განცხადებით, წყალმომარაგების სისტემის სარეაბილიტაციო სამუშაოების დასრულების შემდეგ, მუნიციპალიტეტში 4 000-მდე მცხოვრები ხარისხიანი წყალმომარაგებით იქნება უზრუნველყოფილი და მომავალი წლის გაზაფხულიდან თანამედროვე სტანდარტების შესაბამისი წყლის განახლებული ინფრასტრუქტურით ისარგებლებს.

ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა