პარლამენტის უმრავლესობის წევრის, დიმიტრი ცქიტიშვილის განცხადებით, 2019 წლის ბიუჯეტში ბევრი მნიშვნელოვანი პროექტია გათვალისწინებული და ის ორიენტირებულია მოსახლეობაზე. დიმიტრი ცქიტიშვილი ვარაუდობს, რომ მეორე მოსმენის შემდეგ, ბიუჯეტის პროექტი უფრო მეტად დაიხვეწება.
„2019 წლის ბიუჯეტში ძალიან ბევრი მნიშვნელოვანი რამ არის გათვალისწინებული. ძალიან ბევრი სოციალური პროგრამაა და ეს ის ტენდენციაა, რომელიც ჩვენი მთავარი პრიორიტეტია. ზოგადად, მომდევნო წლების ბიუჯეტი კიდევ უფრო სოციალურად ორიენტირებული იქნება. საბოლოო ჯამში, ბიუჯეტის პროექტის მეორე მოსმენის შემდეგ, შესაძლოა, კიდევ რაღაც კითხვები იყოს, კომენტარები გაკეთდეს და კიდევ უფრო დაიხვეწება ბიუჯეტის პროექტი. საერთო ჯამში მივიღებთ, მოსახლეობაზე ორიენტირებულ ბიუჯეტს“, - განაცხადა დიმიტრი ცქიტიშვილმა.
