თემირლან მაჩალიკაშვილის დედა - ერთი წელია შვილის მკვლელების დასჯას ვითხოვ - ეს ხელისუფლება უნდა გადადგეს

პარლამენტის შენობის წინ საპროტესტო აქციის მონაწილეებს პანკისის ხეობაში სპეცოპერაციისას მოკლული თემირლან მაჩალიკაშვილის დედა, მედიკო მარგოშვილი შეუერთდა. მისი თქმით, ის აღნიშნული ტერიტორიაზე იქამდე დარჩება, ვიდრე ჯანმრთელობა ამის საშუალებას მისცემს.

„ოცნების” ოფისთან გამარულ აქციაზე ამ ხელისუფლებას არანაირი რეაგირება არ მოუხდენია. ღამით პარლამენტის შენობის წინ დავრჩი. ერთი წელიწადია ჩემი შვილის მკვლელების დასჯასა და ჩემი შვილის უდანაშაულობის აღიარებას ვითხოვ, არაფრის გამო რომ გაწირეს ბავშვი. ერთი წელია ვითხოვ და ახლა რა იმედი უნდა მქონდეს ამ ხელისუფლებისგან? ვინც დამნაშავეები არიან, ისინი თუ არ დაისჯებიან, არანაირი იმედი არ მაქვს ამ ხელისუფლების. ეს ხელისუფლება უნდა გადადგეს”,- აღნიშნა მან.

ამ დროისთვის, პარლამენტის შენობის წინ 15 კარავია გაშლილი.

იხილეთ ვიდეო: ერთი წელია შვილის მკვლელების დასჯას ვითხოვ, ეს ხელისუფლება უნდა გადადგეს - თემირლან მაჩალიკაშვილის დედა

თენგიზ ფხალაძე - პოლიტიკურ ძალებს შორის ურთიერთობაში უნდა არსებობდეს ზღვარი, რომლის იქითაც პროცესი არ უნდა წავიდეს, თუკი ეს ზღვარი წაიშალა, მძიმე შედეგს მივიღებთ
ქართული პრესის მიმოხილვა 27.01.2020
ავთანდილ წულაძე - საქართველოსთან მიმართებაში რუსეთის სტრატეგიული მიზანი არსებული სტატუს-კვოს შენარჩუნებაა