რუსთავის მერის ინიციატივით, ქალაქის საჯარო სკოლების მეთერთმეტე კლასის მოსწავლეები კრწანისის ეროვნულ სასწავლო ცენტრში იმყოფებოდნენ.

როგორც „ინტერპრესნიუსს“ რუსთავის მერიიდან აცნობეს, უფროსკლასელებმა სამხედრო ტექნიკა, საბრძოლო იარაღი დაათვალიერეს. სასწავლო ცენტრში მოქმედ საწვრთნელ პროგრამებსა და იმ ტექნოლოგიებს გაეცნენ, რომელსაც ქართველი სამხედროები ფლობენ. ასევე, მიიღეს ინფორმაცია ნატო-საქართველოს თანამშრომლობისა და ქართული სამხედრო-სამშვიდობო მისიების შესახებ.

სკოლის მოსწავლეების სამხედრო თემით დაინტერესების იდეა, სავალდებულო სამხედრო სამსახურისა და ქართული ჯარის პოპულარიზაციას ისახავს მიზნად.

13 ნოემბერს ცენტრში 21-ე და 22-ე საჯარო სკოლის მოსწავლეები იმყოფებოდნენ, ხოლო დღეს, ცენტრს 11-ე და 8-ე საჯარო სკოლის მოსწავლეები ეწვივნენ.