სალომე სამადაშვილი - ხელისუფლება ცდილობს არჩევნები სამუშაო დღეს ჩაატაროს - კახა კალაძეს დღეს წამოცდა უნებურად და გაამჟღავნა მათი გეგმები

ვფიქრობ, ბატონ კალაძეს დღეს წამოცდა უნებურად და გაამჟღავნა მათი გეგმები, - ასე აფასებს „ნაციონალური მოძრაობის“ წევრი სალომე სამადაშვილი კახა კალაძის განცხადებას, რომლის თანახმად, 28 ნოემბერს არჩევნების შედეგი იმ კვლევებისგან განსხვავებული იქნება, რაც „ედისონ რისერჩმა“ გამოაქვეყნა.

მისი თქმით, ხელისუფლება ცდილობს, არჩევნები სამუშაო დღეს ჩაატაროს, რითაც ხელს შეუშლის ამომრჩევლის აქტივობას.

„ჩვენ აქამდეც გვქონდა საფუძვლიანი ეჭვი გვეფიქრა, რომ ცესკო ყველანაირი კანონმდებლობის დარღვევით რეალურად აწარმოებს მოლაპარაკებებს მმართველ პოლიტიკურ გუნდთან და ბიძინა ივანიშვილთან, რომ შეარჩიოს მათთვის ხელსაყრელი თარიღი არჩევნების მეორე ტურის ჩასატარებლად. ჩვენ ვიცით, რომ ამ არჩევნებზე, შეიძლება თითოეულ ხმას გადამწყვეტი მნიშვნელობა ჰქონდეს. შესაბამისად, ყველა ამომრჩეველი მივიდეს არჩევნებზე არის ისე მნიშვნელოვანი, როგორც არასდროს. რეალურად, ხელისუფლება ცდილობს, რომ ჩაატაროს არჩევნები სამუშაო დღეს, რითაც ხელს შეუშლის ამომრჩევლის აქტივობას. ვფიქრობ, ბატონ კალაძეს დღეს წამოცდა უნებურად და გაამჟღავნა მათი გეგმები“, - განაცხადა სალომე სამადაშვილმა.

„28 ნოემბერს, არჩევნების შედეგი იმ კვლევებისგან განსხვავებული იქნება, რაც დღეს „ედისონ რისერჩმა“ გამოაქვეყნა“, - ამის შესახებ ჟურნალისტებსპარტია „ქართული ოცნების“ გენერალურმა მდივანმა, კახა კალაძემ განუცხადა, თუმცა როგორც ცნობილია, ცესკოს მეორე ტურის თარიღი ოფიციალურად ჯერ არ დაუსახელებია.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს