გაერთიანებული ოპოზიციის შტაბის ხელმძღვანელი ფოთში - ხელისუფლებას არაფერი დარჩა გარდა იმისა, რომ არჩევნები გააყალბოს

ხელისუფლებას არაფერი დარჩა გარდა იმისა, რომ არჩევნები გააყალბოს და ამ პროცესში ჩართულია ყველა საჯარო მოხელე, - ამის შესახებ დღეს გამართულ ბრიფინგზე ფოთში გაერთიანებული ოპოზიციის „ძალა ერთობაშია“ შტაბის ხელმძღვანელმა დარეჯან ცხვიტარიამ განაცხადა.

მისი თქმით, წინასაარჩევნოდ ფოთში ადმინისტრაციული რესურსის გამოყენება ხდება.

როგორც ცხვიტარიამ აღნიშნა, საარჩევნო ბარათები იგზავნება მისამართებზე, სადაც იმ ადამიანებს რეალურად არ უცხოვრიათ და მათი გვარები საარჩევნო სიებშიცაა შეყვანილი. ოპოზიცია მოპოვებული მასალის გასაჯაროებას გეგმავს.

„ხელისუფლებას არაფერი დარჩა გარდა იმისა, რომ არჩევნები გააყალბოს და ამ პროცესში ყველა საჯარო მოხელე ჩართულია. მათ არჩევნების გაყალბება უკვე დაწყებული აქვთ. გამოყენებულია საჯარო რესურსი, პროცესში ჩართულები არიან საბავშვო ბაღების დირექტორები, აღმზრდელები, საჯარო სკოლის პედაგოგები , ა(ა)იპ-ებისა და სსიპ-ების თანამშრომლები. დღეს, ვითომ სკოლამდელი სააღმზრდელო დაწესებულებების ხელმძღვანელები საკრებულოს დარბაზში შეკრიბეს და თითქოს ტრენინგები ჩაუტარდათ, რეალურად კი არჩევნებთან დაკავშირებით ისაუბრეს და გააფრთხილეს“, - განაცხადა დარეჯან ცხვიტარიამ.

ოპოზიციის ბრალდებას უსაფუძვლოს უწოდებს,,ქართული ოცნების" ფოთის საქალაქო ორგანიზაციის თავმჯდომარე, ირაკლი კაკულია.

,,ეს არის აგონიაში მყოფი ადამიანების ბოდვა. ჩვენ მოსახლეობისგან დიდ მხარდაჭერას ვგრძნობთ და ერთად მივაღწევთ გამარჯვებას"- აცხადებს კაკულია.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 13.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
ტექნიკის უდიდესი გამოფენა ევროპაში, სახელწოდებით IFA 2019, ბერლინში დასრულდა
პუტინს ცემახი უსათუოდ სჭირდება (R)
ვანო ჩხარტიშვილი - მამუკა ხაზარაძე ურცხვად ტყუის
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს
გალფი ტურისტული ზონების დასუფთავების მასშტაბურ აქციას იწყებს