სასტუმრო „ველმონდის“ (ყოფილი „ლეოგრანდის") საქმეზე ბათუმის საქალაქო სასამართლოში დღეს ექსპერტების დაკითხვა იგეგმება.
საქმეში ბრალდებულები გიორგი მიქელაძე და თურქეთის მოქალაქე ფათიჰ იავუზი რვა თვის წინ დააკავეს. მათ საგამოძიებო ორგანო სასტუმრო "ლეოგრანდში" სახანძრო უსაფრთხოების ნორმების დარღვევას ედავება.
პროკურატურის მტკიცებით, აღნიშნულ პირებს სასტუმროში სახანძრო უსაფრთხოების დაცვა ხელშეკრულებით ჰქონდათ ნაკისრი. რაც შეეხება დაცვის მხარეს, ისინი პროკურატურის ბრალდებას არ იზიარებენ.
შეგახსენებთ, რომ 2017 წლის 24 ნოემბერს სასტუმრო "ლეოგრანდში" ხანძრის შედეგად 11 ადამიანი დაიღუპა, 20-მდე პირი კი დაშავდა.