ახმეტაში ოთხი დღეა 86 წლის მამაკაცს ეძებენ. „ინტერპრესნიუსის" ინფორმაციით, ნიკო გუშკაშვილი ბოლოს 12 ნოემბერს ნახეს, როდესაც ის საქონლის სამწყემსად წავიდა.

ოჯახმა დახმარებისთვის პოლიციას უკვე მიმართა.

შინაგან საქმეთა სამინისტროს ცნობით, მიმდინარეობს ინტენსიური სამძებრო სამუშაოები, სადაც პოლიციასთან ერთად სამძებრო სამუშაოებში სამაშველო ჯგუფებიც არიან ჩართული. უწყებისვე ინფორმაციით, მომხდარზე გამოძიება 115-ე მუხლით მიმდინარეობს.