“საქაერონავიგაცია” - საქართველოს საჰაერო სივრცის დატვირთვა 6.8%-ით გაიზარდა

საქართველოს ეკონომიკისა და მდგრადი განვითარების სამინისტროს შპს „საქაერონავიგაციის“ ინფორმაციით, 2018 წლის იანვარ-ოქტომბრის პერიოდში, საქართველოს საჰაერო სივრცის დატვირთვა 6.8%-ით გაიზარდა.

მათივე ცნობით, 2018 წლის იანვარ-ოქტომბრის განმავლობაში საქართველოს საჰაერო სივრცეში 127 271 ინსტრუმენტური ფრენა შესრულდა და აღნიშნული მაჩვენებელი 8 118 ფრენით და 6.8%-ით მეტია 2017 წლის იმავე პერიოდის მაჩვენებელზე.

ამასთან, „საქაერონავიგაციის“ ინფორმაციით, 2018 წლის იანვარ-ოქტომბრის პერიოდში შესრულებული გადაფრენების რიცხვმა 87 301 ფრენა შეადგინა, რაც 2017 წლის მაჩვენებელზე 1 821 ფრენით, ანუ 2.1% -ით მეტია.

„ზრდის ტენდენცია ნარჩუნდება საქართველოს აეროპორტების აფრენა-დაფრენის ზონებშიც. საქაერონავიგაცია 10 თვის განმავლობაში საქართველოს სამ საერთაშორისო და ორ ადგილობრივ აეროპორტში 39 970 საფრენოსნო ხომალდს მოემსახურა, რაც 2017 წლის ანალოგიურ პერიოდთან შედარებით 6 297 ფრენით, ანუ 18.7%-ით გაზრდილი მაჩვენებელია.

საქართველოს საჰაერო სივრცეში ნაფრენი დისტანცია 2018 წლის იანვარ-ოქტომბრის პერიოდში შეადგენს 35 004 971 კმ-ს. აღნიშნული მაჩვენებელი 34 866 კმ-ით და 0.1%-ით მეტია გასული წლის იმავე პერიოდის მაჩვენებელზე“, - ნათქვამია ინფორმაციაში.

„საქაერონავიგაციის“ ცნობით, საქართველოს საჰაერო სივრცეს ტრანზიტული გადაადგილებისთვის ყველაზე ხშირად იყენებენ: TURKISH AIRLINES (14 832), AZERBAIJAN AIRLINES – AZAL(5 333), QATAR AIRWAYS (4 758), THAI AIRWAYS INTERNATIONAL LTD (3,042), SINGAPORE AIRLINES (3 726).

ამასთან, საქართველოს აეროპორტების აფრენა-დაფრენის ზონებში ტოპ-მომხმარებელად ისევ GEORGIAN AIRWAYS ( 6 521), TURKISH AIRLINES (3 692), WIZZ AIR HUNGARY (3 080), FLYDUBAI (1,613), FLYDUBAI(1 872) დაფიქსირდნენ.

ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული პრესის მიმოხილვა 20.08.2019
გავლენის ოპერაციები ანუ „მკვლელობათა ჯაჭვი“
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს