სამი თვის განმავლობაში „ომეგა ჯგუფი“ ითხოვდა აქციზურ მარკებს, თუმცა არ აძლევდნენ, მოგვიანებით კი მოხდა ის, რომ სასწრაფოდ გაიცა 4 მილიონი აქციზური მარკა, - ამის შესახებ „პალიტრანიუსის“ გადაცემაში „360 გრადუსი“ დეპუტატმა ნატო ჩხეიძემ განაცხადა.

ნატო ჩხეიძის თქმით, „ომეგა ჯგუფზე“ აქციზური მარკების გაცემა ძალიან სასწრაფოდ მოხდა, რაც მისთვისაც გასაკვირია.

„სამი თვის განმავლობაში „ომეგა ჯგუფი“ ითხოვდა აქციზურ მარკებს და ეს აქციზური მარკები არანაირი მიზეზით, დათმობით, პირობებით არ ეძლეოდა. ყველანაირი შეთავაზება იყო რანაირად უნდა გაწერილიყო, როგორი რესტრუქტურიზაცია უნდა მომხდარიყო ამ 50 მილიონი ლარის, მაგრამ არაფერზე იყო თანხმობა. ერთ მშვენიერ დღეს მათ ბრძანეს, რომ დიახ, ჩვენ ამ აქციზურ მარკებს გავცემთ. როგორც ჩანს, ამის ქვეტექსტი იყო ის, რომ რაღაც გაიგეს, გაიაზრეს. ვერ გეტყვით მათ რა იფიქრეს და რა გაიგეს. შემიძლია გითხრათ რა მოხდა. სასწრაფოდ მოხდა ის, რომ 4 მილიონი აქციზური მარკა გაიცა. ამ პროცედურას, როგორც მე ვიცი, სჭირდება ნამდვილად დიდი დრო. წარმოიდგინეთ, რომ 16:30 საათზე ირიცხება თანხა და 18:00 საათამდე უკვე აქციზური მარკები გადის. თანხა არის 1 მილიონი“,- განაცხადა ჩხეიძემ.

იხილეთ ვიდეო: "მოხდა ის, რომ ძალიან სასწრაფოდ 4 მილიონი აქსციზური მარკა გაიცა" - ნატო ჩხეიძე