ბათუმში ჰოსტელის ძარცვის ბრალდებით დაკავებულებისთვის პატიმრობის შეფარდებას ხმაური მოჰყვა

ბათუმში, რუსთაველის ქუჩაზე ჰოსტელის ძარცვის ბრალდებით დაკავებული ორი პირი ბათუმის საქალაქო სასამართლომ პატიმრობაში დატოვა.

სასამართლოს გადაწყვეტილებას დაკავებულების ახლობლების მხრიდან ხმაური მოჰყვა.

ბრალდებულები დანაშაულს არ აღიარებენ.

თავდაპირველად გამოძიება ყაჩაღობის ბრალდებით დაიწყო, შემდეგ კი მუხლის გადაკვალიფიცირება ხულიგნობის ბრალდებით მოხდა.

საქმე ეხება ბათუმში ორი დღის წინ მომხდარ ფაქტს. რუსთაველის ქუჩაზე მდებარე ერთ-ერთი ჰოსტელის მეპატრონის თქმით, ჰოსტელში ორი პირი პოლიციელის სახელით შეიჭრა და ტურისტებისთვის პირადი ნივთების წართმევას ცდილობდნენ. ისინი სამართალდამცავებმა დააკავეს.

იხილეთ ვიდეო: ბათუმის ერთ-ერთ ჰოსტელში ძარცვის ბრალდებით დაკავებულებს აღკვეთის ღონისძიების სახით პატიმრობა შეეფარდათ