სალომე ზურაბიშვილის შტაბში დიმიტრი გაბუნია მივიდა. გაბუნია ადასტურებს, რომ პრეზიდენტის საპარლამენტო მდივნის პოსტზე მისი კანდიდატურა განიხილება, თუმცა მისი თქმით, საბოლოო გადაწყვეტილება ჯერ მიღებული არ არის.
"დღეის მდგომარეობით ვერაფერს დაგიდასტურებთ. ახალი გუნდის ფორმირებასთან დაკავშირებით აქტიური მუშაობა მიმდინარეობს. ვადასტურებ იმას, რომ განვიხილები ერთ-ერთ კანდიდატად, თუმცა გადაწყვეტილი არაფერი არ არის. მიმდინარეობს აქტიური კონსულტაციები. საბოლოო გადაწყვეტილების მიღების შემთხვევაში ბუნებრივია, აუცილებლად გაცნობებთ,"- განაცხადა დიმიტრი გაბუნიამ.
ჟურნალისტის კითხვაზე, აღნიშნულ პოსტზე განიხილება თუ არა სხვა კანდიდატურა, დიმიტრი გაბუნიამ უპასუხა, რომ მისი ინფორმაციით, არ განიხილება.