რუსთავის შშმ პირთა დღის ცენტრში ღონისძიება გაიმართა

შეზღუდული შესაძლებლობების მქონე პირთა უფლებების დაცვის დღესთან დაკავშირებით, რუსთავის შშმ პირთა დღის ცენტრში ღონისძიება გაიმართა.

როგორც „ინტერპრესნიუსს“ რუსთავის მერიიდან აცნობეს, ღონისძიებას ქვემო ქართლის გუბერნატორი შოთა რეხვიაშვილი, რუსთავის მერი ირაკლი ტაბაღუა, ადგილობრივი ხელისუფლების, არასამთავრობო ორგანიზაციების, კერძო სექტორის წარმომადგენლები და მიწვეული სტუმრები დაესწრნენ.

დღის ცენტრის ბენეფიციარებმა, სტუმრებს მუსიკალური სპექტაკლი ,,ფიფქია და შვიდი ჯუჯა“ წარუდგინეს, რომელშიც უფროსი და უმცროსი თაობის აღსაზრდელები მონაწილეობდნენ. „ძალიან ემოციური და ლამაზი დღეა. სანახაობრივად ძალიან საინტერესო წარმოდგენა იყო, რომელშიც დღის ცენტრის უნიჭიერესი ბავშვები ღებულობდნენ მონაწილეობას. ეს ყველაფერი ერთობლივი ძალისხმევით ხდება, ამ ცენტრში არის ხელმძღვანელობა და არიან პედაგოგები, რომლებიც დიდი სითბოთი და სიყვარულით აკეთებენ თავიანთ საქმეს“, - განაცხადა ქვემო ქართლის გუბერნატორმა შოთა რეხვიაშვილმა.

რუსთავის მერის ირაკლი ტაბაღუას განცხადებით, 2019 წლიდან შშმ პირთა დღის ცენტრის თანამშრომლებს ხელფასები გაეზრდებათ. ,,ამ ცენტრის თითოეულ თანამშრომელს მინდა ვუთხრა გულწრფელი მადლობა, ისინი მართლაც განსაკუთრებულად ზრუნავენ და საკუთარი შვილებივით უყვართ ის ადამიანები, რომლებიც უფრო მეტ სიყვარულსა და უფრო მეტ მზრუნველობას საჭიროებენ ჩვენგან“, - განაცხადა რუსთავის მერმა ირაკლი ტაბაღუამ.

შშმ პირთა დღის ცენტრი, რუსთავში 20 წელია ფუნქციონირებს და ადგილობრივი ბიუჯეტიდან ფინანსდება. დღის ცენტრში თერაპიურ კურსს გადის და ინკლუზიურ განათლებას 164 განსაკუთრებული საჭიროების მქონე ბენეფიციარი იღებს.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო