საფრანგეთში „ყვითელი ჟილეტების“ აქციასთან დაკავშირებით, 89 000 პოლიციელის მობილიზება იგეგმება

ხვალ დაგეგმილი „ყვითელი ჟილეტების“ საპროტესტო აქციასთან დაკავშირებით, საფრანგეთის მასშტაბით 89 000 პოლიციელი იქნება მობილიზებული, აქედან 8 000 - პარიზში.

აღსანიშნავია, რომ გასულ შაბათს საფრანგეთის მასშტაბით საპროტესტო აქციებისას მობილიზებული იყო 65 000 პოლიციელი, აქედან - 5000 პარიზში.

ამასთან, ჯავშანმანქანები მობილიზებული იქნება ყველაზე სარისკო რაიონებში.

შეგახსენებთ, რომ გასულ შაბათს პოლიციასა და მანიფესტანტებს შორის შეტაკებები ძირითადად შანზ-ელიზეზე და ტრიუმფალურ თაღთან მოხდა.

უსაფრთხოების ამგვარი განსაკუთრებული ზომები იმით აიხსნება, რომ მოსალოდნელია უფრო დიდი მასშტაბის არეულობა და ძალადობა, ვიდრე 1-ლი დეკემბრის საპროტესტო აქციაზე მოხდა. სამართალდამცველები ასევე ვარაუდობენ, რომ საპროტესტო აქციებზე თავს მოიყრიან ულტრამემარცხენეები და ულტრამემარჯვენეები.

პოლიცია ასევე მოუწოდებს შანზ-ელიზეზე განლაგებული მაღაზიებისა და ბუტიკების მესაკუთრეებს შაბათს არ იმუშაონ. საფრანგეთის რიგ ქალაქებში, მათ შორის პარიზში დახურული იქნება ტურისტების თავშყრის ადგილები.

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს