გიგლა ბარამიძე - ეს თქვენი პრეზიდენტი გინდა თელავში ჩაიყვანეთ და გინდათ ხონში, ყველაფერი უკვე ისედაც კომიკურია

„დემოკრატიული მოძრაობის“ ერთ-ერთი ლიდერი გიგლა ბარამიძე პრეზიდენტის ინაუგურაციის თემას ეხმაურება და აცხადებს, რომ უმჯობესია ინაუგურაცია ბიძინა ივანიშვილის სასახლეში ჩატარდეს. მისი თქმით, ეს იქნება ყველაზე ლოგიკური გადაწყვეტილება.

„ამდენს ნუ წვალობთ და ინაუგურაცია ბიძინა ივანიშვილის სასახლეში ჩაატარეთ. ეს იქნება ყველაზე ლოგიკური გადაწყვეტილება. დიახ, ინაუგურაცია იმ ადამიანის სასახლესა და მის შემოგარენში უნდა ჩატარდეს, რომელმაც ზურაბიშვილი საქართველოს პრეზიდენტად დანიშნა. ბიძინა ივანიშვილზე თანამედროვე ტექნოლოგიებით აგებული სასახლე საქართველოში არ მოიძებნება. ივანიშვილის შემოგარენში თუ გაიმართება ინაუგურაცია, ამით საბიუჯეტო სახსრებსაც დავზოგავთ. არა მგონია, მილიარდერმა სასახლის იჯარის ფული გამოართვას თავის საპატრონოს“, - აცხადებს გიგლა ბარამიძე.

მისი თქმით, ახალ პრეზიდენტს გეორგიევსკის ტრაქტატის მიმართ ნოსტალგია აქვს და თელავში ინაუგურაციაც ამაზე მიუთითებს.

ბიძინა ივანიშვილს უყვარს წინაპრებთან თამაში. სალომე თამარ-მეფეს რომ შეადარა ეს ხომ საერთოდ გაუგონარი სირცხვილი იყო. წავლენ-წამოვლენ და მიადგებიან წმინდან მეფეს. 21-ე საუკუნეში დანიშნული პრეზიდენტის თამარ მეფესთან შედარება ცოტა უხერხულია. მინდა, მივმართო ''ოცნების'' უვიცებს - ნუ ეთამაშებით ჩვენს წინაპრებს. თამარი არა მარტო დიდი მეფე, არამედ წმინდანიც იყო. წმინდანებს მაინც დაანებეთ თავი და ეს თქვენი პრეზიდენტი გინდა თელავში ჩაიყვანეთ და გინდათ ხონში. ყველაფერი უკვე ისედაც კომიკურია“, - აცხადებს გიგლა ბრამიძე.

აღნიშნულ ინფორმაციას „დემოკრატიული მოძრაობა“ ავრცელებს.

როგორ გაართვა თავი განათლების სისტემამ სწავლების დისტანციურ რეჟიმს? - პირველი სემესტრის შედეგებს განათლების მინისტრის მოადგილე აჯამებს
ქართული პრესის მიმოხილვა 18.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
D ვიტამინის გავლენა რეპროდუქციულ ჯანმრთელობაზე