ბათუმში ჰეიდარ ალიევისადმი მიძღვნილი საღამო გაიმართა

აზერბაიჯანის საკონსულოს ორგანიზებით, ბათუმში ჰეიდარ ალიევის ხსოვნისადმი მიძღვნილი საღამო გაიმართა, - ამის შესახებ „ინტერპრესნიუსს“ აჭარის ავტონომიური რესპუბლიკის მთავრობის ადმინისტრაციიდან აცნობეს.

მათივე ინფორმაციით, სტუმრებს მისასალმებელი სიტყვით აჭარის მთავრობის თავმჯდომარემ მიმართა. თორნიკე რიჟვაძემ ორი ქვეყნის მეგობრულ ურთიერთობასა და ამ კუთხით ჰეიდარ ალიევის მოღვაწეობაზე გაამახვილა ყურადღება.

,,დღეს კიდევ ერთხელ ვიხსენებთ გამორჩეულ პოლიტიკოსს ჰეიდარ ალიევს, რომელმაც მნიშვნელოვანი როლი შეასრულა აზერბაიჯანისა და საქართველოს ორმხრივ ურთიერთობებში. მის სახელს უკავშირდება არაერთი ისტორიული პროექტის განხორციელება. აზერბაიჯანი საქართველოს სტრატეგიული პარტნიორია, რომელთანაც მჭიდრო ურთიერთობები გვაკავშირებს. მჯერა, რომ ერთობლივი ძალისხმევით ჩვენს ქვეყნებს შორის არსებული მეგობრული კავშირები კიდევ უფრო გაღრმავდება,“- განაცხადა თორნიკე რიჟვაძემ.

ღონისძიებას ქალაქ ბათუმის მერი, მინისტრთა კაბინეტის წევრები და დიპლომატიური კორპუსის წარმომადგენლები ესწრებოდნენ.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს