სალომე სამადაშვილი - დღევანდელი დღე არის ერთ–ერთი ყველაზე სამარცხვინო დღე ქართული პარლამენტარიზმის ისტორიაში

ხელისუფლებას აღარაფერი აქვს საერთო დემოკრატიულ მმართველობასთან, - ასე აფასებს პარლმანეტში მომხდარ დაპირისპირებას „ნაციონალური მოძრაობის“ წევრი სალომე სამადაშვილი. მისივე თქმით, ძალადობრივი წინასაარჩევნო კამპანია პარლამენტში გაგრძელდა.

„ეს ძალადობა გადმოვიდა პარლამენტში და ჩვენ ვნახეთ, რომ უმრავლესობის წარმომადგენლები, მათი სატელიტი პარტიები არ აძლევენ შესაძლებლობას 800 000 ქართველის წარმომადგენელ დეპუტატებს გააჟღერონ გზავნილები, რომლებიც მათ აქვთ. ეს არის სახე დღევანდელი ხელისუფლების, რომელსაც დემოკრატიულ მმართველობასთან უკვე აღარაფერი აქვს საერთო. ეს არის ალბათ, ერთ–ერთი ყველაზე სამარცხვინო დღე ქართული პარლამენტარიზმის ისტორიაში. ჩვენ გავაგრძელებთ მუშაობას და მიუხედავად ხელისუფლების მცდელობისა, ამას ხელი შეუშალოს, ეს არის ჩვენი ვალდებულება“, –განაცხადა სალომე სამადაშვილმა.

პარლამენტში დეპუტატებს შორის სიტყვიერი და ფიზიკური დაპირისპირება მოხდა. დაპირისპირება მას შემდეგ დაიწყო, რაც დეპუტატ ირმა ინაშვილს სიტყვით გამოსვლისას ადგილიდან გარკვეული რეპლიკებით „ნაციონალური მოძრაობის“ წევრი ნიკა მელია პასუხობდა. ირმა ინაშვილმა გამოსვლა შეწყვიტა, მივიდა მელიასთან და მათ შორის ფიზიკურ გაწევ-გამოწევას ჰქონდა ადგილი. დაპირისპირებაში ზაზა პაპუაშვილიც მონაწილეობდა.

სიტუაციის განსამუხტად დაპირისპირებაში მანდატურის სამსახურის ჩარევა გახდა საჭირო.

ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
ქართული პრესის მიმოხილვა 25.09.2020
ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო
პანდემიის დროს გააქტიურებული ქართული სტარტაპი - 0% საკომისიო და უფასო მიტანა 100 დღის განმავლობაში
„კარფურის გათამაშება გრძელდება“ - წინ კიდევ უსასრულო სიურპრიზებით სავსე 2 კვირა გელოდებათ
"ლიბერთის" ახალი აქცია - #გულით პედაგოგებისთვის