რუსთავის მეტალურგიულმა ქარხანამ  400 თანამშრომელი იძულებით შვებულებაში გაუშვა

რუსთავის მეტალურგიულმა ქარხანამ, დღეს 400 თანამშრომელი იძულებით შვებულებაში გაუშვა. ამის შესახებ, რუსთავის მეტალურგიული ქარხნის ხელმძღვანელობა ოფიციალურ განცხადებას ავრცელებს.

„დღეს, 12 დეკემბერს რუსთავის მეტალურგიულ ქარხანაში გაჩერდა ერთი ფოლადსადნობი ღუმელის კომპლექსი. წარმოების მოცულობის ეს შემცირება წინასწარ იყო განცხადებული. ეს არის ირანიდან უხარისხო დემპინგური არმატურის მოზღვავებული იმპორტის შედეგი. 15 ნოემბერს ძალაში უნდა შესულიყო საზღვარზე სამშენებლო მასალების ხარისხის კონტროლი, რაც შეაჩერებდა უხარისხო არმატურის იმპორტს. მთავრობის გადაწყვეტილებით კონტროლის შემოღებამ გადაიწია 15 იანვრამდე. წარმოების შემცირებამ გამოიწვია 400 თანამშრომელის იძულებით შვებულებაში გაშვება. ქარხანა იმედს გამოთქვამს, რომ კონტროლის მექანიზმები შევა ძალაში უახლოეს მომავალში და შემდგომი სიმძლავრეების შემცირება არ გახდება აუცილებელი“, - ნათქვამია ოფიციალურ განცხადებაში.

გავრცელებული ინფორმაციით, თუ მთავრობა საქართველოს საზღვარზე სამშენებლო მასალების ხარისხის კონტროლის შესახებ გადაწყვეტილებას 15 იანვრამდე არ მიიღებს, რუსთავის მეტალურგიული ქარხანა სრულად გაჩერდება და სამუშაო ადგილს ჯამში 2000 მუშა-მოსამსახურე დაკარგავს.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 26.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
BDO-მ ინფორმაციული უსაფრთხოების საერთაშორისო სტანდარტის ISO/IEC 27001 სერტიფიცირება გაიარა