ზუგდიდის მუნიციპალიტეტის სოფელ რუხში დევნილთა ერთ-ერთი დასახლებაში სახურავის აღდგენა მიმდინარეობს, - ამის შესახებ „ინტერპრესნიუსს“ ზუგდიდის მერიაში განუცხადეს.

მათი ინფორმაციით, სახურავის სრულად აღდგენა ხვალ დასრულდება.

„მერიის წარმომადგენლები უკვე იყვნენ ადგილზე და მუშაობა წვიმიანი ამინდის მიუხედავად, მიმდინარეობს. მისი სრული გადახურვა ვერ მოესწრო, რადგან პარალელურ რეჟიმში მიმდინარეობს მუშაობა სხვა ობექტებზეც. ნაწილი გადახურული იყო, ხოლო სრულად მისი გადახურვა ხვალ დასრულდება. რაც შეეხება წვიმისგან უკვე დაზიანებულ ოთახებს, შეძლებისდაგავარად, მის გარემონტებზეც იქნება მსჯელობა“, - აცხადებენ მერიაში.

ზუგდიდის მუნიციპალიტეტის სოფელ რუხში დასახლებული დევნილები სახურავის სრულად გადახურვას ითხოვდნენ.