საბაჟო გამშვებ პუნქტში ,,ქუთაისის აეროპორტი“, ნარკოტიკული ნივთიერების შემცველი მედიკამენტების ქვეყნის საზღვარზე უკანონოდ შემოტანის 2 ფაქტი აღიკვეთა. ამის შესახებ ინფორმაციას ფინანსთა სამიისტროს შემოსავლების სამსახური ავრცელებს.

ფინანსთა სამინისტროს შემოსავლების სამსახურის მებაჟე ოფიცრებმა, ეჭვის საფუძველზე, საქართველოსა და საბერძნეთის მოქალაქეების ზ.მ.-სა და კ.ა.კ.-ს კუთვნილი ბარგების დათვალიერების შედეგად, ნარკოტიკული ნივთიერების შემცველი მედიკამენტები (77 აბი) გამოავლინეს.

საქმეთა მასალები, შემდგომი რეაგირების მიზნით, შინაგან საქმეთა სამინისტროს გადაეცა.