თელავის მერია ინაუგურაციასთან დაკავშირებით მოსახლეობას აფრთხილებს

თელავის მერია ინაუგურაციასთან დაკავშირებით ადგილობრივ მოსახლეობას აფრთხილებს.თელავის მუნიციპალიტეტის მერია „ფეისბუქის“ გვერდზე წერს, რომ საქართველოს მე-5 პრეზიდენტის ინაუგურაციასთან დაკავშირებით, 14, 15 და 16 დეკემბერს, 13:00 საათიდან 15:00 საათამდე პერიოდში, ქვემეხებიდან ერთობლივი გასროლა მოხდება.

მუნიციპალიტეტის ცნობით, 14 და 15 დეკემბერს გასროლა სატესტო რეჟიმში გახორციელდება.

შეგახსენებთ, პრეზიდენტის ფიცის დადების ცერემონიალი 16 დეკემბერს თელავში, „ბატონის სასახლეში“ გაიმართება.