ტყიბულის შახტში აფეთქებასთან დაკავშირებით დაკავებულები 5000-ლარიანი გირაოს სანაცვლოდ გათავისუფლდნენ

ქუთაისის საქალაქო სასამართლოში ტყიბულის შახტში აფეთქებასთან დაკავშირებით დაკავებულების პროცესი გაიმართა. როგორც „ინტერპრესნიუსის“ კორესპონდენტი იტყობინება, მოსამართლის გადაწყვეტილებით, ექვსივე დაკავებული 5000- ლარიანი გირაოს სანაცვლოდ გათავისუფლდა.

5 აპრილს შახტში მომხდარ ფაქტზე კომპანია „საქნახშირის“ ექვსი თანამშრომელი იყო დაკავებული, მათ შორის დირექტორის მოადგილე. ერთ დაკავებული გოჩა ქასრაშვილი ბრალს არ აღიარებს დუმილის უფლებას იყენებს. მომდევნო პროცესი თებერვალში დაინიშნა.

დაკავებულებს გამოძიება უსაფრთხოების ნორმების დარღვევას ედავება. გამოძიება სისხლის სამართლის კოდექსის 240-ე მუხლით მიმდინარეობს. ბრალის დამტკიცების შემთხვევაში მათ ხუთ წლამდე თავისუფლების აღკვეთა ემუქრებათ.

შეგახსენებთ, 5 აპრილს ტყიბულში, მინდელის შახტში მომხდარ უბედურ შემთხვევას 6 ადამიანი ემსხვერპლა, 3 კი დაშავდა.