თელავში ინაუგურაციის გენერალური რეპეტიცია დასრულდა

თელავში ინაუგურაციის გენერლური რეპეტიცია დასრულდა. რეპეტიცია დაახლოებით 3 საათის განმავლობაში გრძელდებოდა. დღეს გამართულ რეპეტიციას არჩეული პრეზიდენტი სალომე ზურაბიშვილი არ დასწრებია.

ადგილზე იმყოფებოდნენ თავდაცვის სამინისტროს შეიარაღებული ძალების სამხედრო დანაყოფები და სპეცრაზმის წრმომადგენლები. ასევე ანსამბლები, რომლებიც ხვალ მთავარ ღონისძიებაზე ჰიმნს შეასრულებენ.

როგორც ღონისძიების რეჟისორმა ბასა ფოცხიშვილმა განაცხადა, კახური მრავალჟამიერი რამდენიმე ანსამბლის მონაწილეობით შესრულდება, მათ შორის იქნება ანსამბლი „ერისიონი“, „ქართული ხმები“ და „რუსთავი“.

საორგანიზაციო ჯგუფი ბოლო ეტაპს გადის. ცოტა ხანში ერეკლე მეფის სასახლის კარი დაიკეტება და ეზოში წითელ ხალიჩებს დააგებენ.

საქართველოს მეხუთე პრეზიდენტის ინაუგურაცია ხვალ, 15:00 საათზე დაიწყება და 40 წუთი გაგრძელდება. ოფიციალური ნაწილის დასრულების შემდეგ კი ზურაბიშვილი მოწვეულ სტუმრებს თელავის თეატრში უმასპინძლებს.

მირიან მირიანაშვილი - ხელისუფლებამ სტრატეგიული შეცდომა დაუშვა, როცა უარი თქვა პრემიერის აშშ-ში ოფიციალურ მიწვევაზე
გიორგი ბილანიშვილი - ის, რაც ახლა საქართველოში ხდება, ერთმნიშვნელოვნად მოსკოვის ინტერესებში შედის
ქართული პრესის მიმოხილვა 02.05.2024
Bolt-ის აპლიკაციაში მგზავრობის დაგეგმვა 90 დღით ადრე შეგიძლიათ
სილქნეტი „დაჭრილ მებრძოლთა თანადგომის ფონდის“ საქმიანობის ანგარიშს აქვეყნებს