გრიგოლ ვაშაძე დავით კირკიტაძის გირაოს სანაცვლოდ გათავისუფლებას ითხოვს

„გაერთიანებული ოპოზიციის“ პრეზიდენტობის კანდიდატი გრიგოლ ვაშაძე შინაგან საქმეთა სამინისტროს მიმართავს, დაკავებული დავით კირკიტაძე გირაოს სანაცვლოდ გაათავისუფლონ.

გრიგოლ ვაშაძის განცხადებით, იმ შემთხვევაში, თუ დავით კირკიტაძე გათავისუფლდება, ის ითანამშრომლებს გამოძიებასთან და რამდენი ჩვენებაც იქნება საჭირო, იმდენ ჩვენებას მისცემს სასამართლოს მეშვეობით.

„დავით კირკიტაძე თქვენი მხარდამჭერი არ არის. თუ მან შიმშილობა დაიწყო, ის იშიმშილებს ბოლომდე. ამიტომ კანონის და მორალის ფარგლებში გეუბნებით, გაათავისუფლეთ ეს ადამიანი გირაოს სანაცვლოდ, გინდ სხვა რაღაც მოუფიქრეთ. გაანებეთ თავი ჩვენს მხარდამჭერებს და თუ სამართალს რამე შეკითხვები აქვს, რამდენჯერაც საჭიროც იქნება, იმდენჯერ მივა სასამართლოში. ბიძინა ივანიშვილის ბუღალტერი, რომელმაც ფული იშოვა რუსეთში მას შემდეგ, რაც რუსეთმა სამხედრო თავდასხმა გამოიყენა საქართველოს წინააღმდეგ, ცდილობს საზოგადოებაში შემოიტანოს განხეთქილება. მათ არანაირი კონკრეტული გეგმა არ აქვთ, თუ როგორ შეიძლება გადაარჩინონ სახელმწიფო“, - განაცხადა გრიგოლ ვაშაძემ.

შინაგან საქმეთა სამინისტროს ცენტრალური კრიმინალური პოლიციის დეპარტამენტის დირექტორის ვლადიმერ ბორცვაძის განცხადებით, გაერთიანებული ოპოზიციის მხარდამჭერი დავით კირკიტაძე შინაგან საქმეთა სამინისტროს კახეთის პოლიციის დეპარტამენტმა, 16 დეკემბერს, ველისციხეში გამართულ აქციაზე, პოლიციელზე თავდასხმისთვის, ფიზიკური შეურაცხყოფისა და ქონების დაზიანებისთვის სისხლის სამართლის კოდექსის 353-ე პრიმა მუხლით, მოსამართლის განჩინებით დააკავა.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 20.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს