პრეზიდენტის ინაუგურაციის დღეს, სოფელ ველისციხესთან მომხდარი დაპირისპირების შედეგად დაშავებული პოლიციელები დაკითხვაზე იმყოფებიან. დაშავებულები თელავის პოლიციის განყოფილებაში ცოტა ხნის წინ მიიყვანეს.
თავის მხრივ, თელავის წინასწარი დაკავების იზოლატორში რჩება „ნაციონალური მოძრაობის“ წევრი დავით კირკიტაძე.
შეგახსენებთ, რომ დავით კირკიტაძე გუშინ, გურჯანის მუნიციპალიტეტის სოფელ ბაკურციხეში დააკავეს. დავით კირკიტაძეს პოლიციელზე ძალადობასა და სამართალდამცავი სტრუქტურების წარმომადგენლებისთვის წინააღმდეგობის გაწევა ედება ბრალად, თუმცა თავად „ნაციონალური მოძრაობის“ წევრი წაყენებულ ბრალს არ აღიარებს და შიმშილობს.