სარფიდან ანაკლიამდე შავი ზღვის მდგომარეობაზე კვლევა განხორციელდება

საქართველოს წყლებში სამეცნიერო კვლევები იწყება. სამეცნიერო გემი ბათუმის ნავმისადგომთან დღეს შემოვიდა და 8 დღის განმავლობაში სარფიდან ანაკლიამდე შავი ზღვის მდგომარეობას, კერძოდ თევზების სახეობებსა და რაოდენობას გამოიკვლევს.

როგორც გარემოს ეროვნული სააგენტოს უფროსმა ანდრო ასლანიშვილმა განაცხადა, თურქ სპეციალისტებთან ერთად მუშაობა ქართველ სპეციალისტებს გამოცდილებას შესძენს, რათა შემდგომში ქართველმა სპეციალისტებმა კვლევა დამოუკიდებლად შეძლონ.

„შავი ზღვის მონიტორინგის განხორციელება არის გარემოს ეროვნული სააგენტოს ერთ-ერთი მნიშვნელოვანი პრიორიტეტი. თურქული გემი ხმელთაშუა ზღვის თევზჭერის კომისიის ეგიდით შემოვიდა. აღნიშნული გემი აღჭურვილია თანამედროვე ტექნოლოგიით, რომელიც მოახდენს სარფიდან ანაკლიამდე ტერიტორიის დასკანერებას. ჩვენ გვექნება საშუალება, რომ ჩავატაროთ სრულყოფილი კვლევა იმისა, რა მარაგები არსებობს ზღვაში. შავი ზღვის დეპარტამენტის სპეციალისტებს მიეცემათ საშუალება, რომ გააძლიერონ თავიანთი შესაძლებლობები, მიიღონ გამოცდილება და დამოუკიდებლად შევძლოთ კვლევა. კვლევა 8 დღე გაგრძელდება და მასში 7 სპეციალისტია ჩართული",- განაცხადა გარემოს ეროვნული სააგენტოს უფროსმა ანდრო ასლანიშვილმა.

ვაჟა ბერიძე -  „ნაციონალებს“ და მის მოკავშირეებს ელექტორატის ნახევარზე მეტი არ უჭერს მხარს, ხოლო 50%,  ვისაც არჩევანი გაკეთებული არ აქვს, „ოცნების“, დასავლელი პარტნიორებისა და საზოგადოების მთავარი პრობლემაა
ქართული პრესის მიმოხილვა 14.08.2020
აგვისტოს ომიდან 12 წლის შემდეგაც საქართველო დგას რუსული აგრესიის წინაშე
ირმა ინაშვილი საქართველოსა და აშშ-ის ხელისუფლებას მოუწოდებს, IRI-სა და NDI-ს საქართველოში კვლევების ჩატარება და გამოქვეყნება აეკრძალოთ
„თიბისის" პერსონალური საბანკო მომსახურება ტრანსფორმაციის ეტაპზე გადავიდა
Wolt და Mastercard ბათუმში გელიან!