ხობის მუნიციპალიტეტის საგვიჩიოს ადმინისტრაციულ ერთეულში შიდა სასოფლო გზის რეაბილიტაცია დასრულდა. ამის შესახებ „ინტერპრესნიუსს“ ხობის მერიიდან აცნობეს.
მათივე ინფორმაციით, დასრულებული პროექტი ადგილობრივებთან ერთად, ხობის მუნიციპალიტეტის მერმა, გოჩა ქაჯაიამ და მერის პირველმა მოადგილემ, ვარაზ გაბედავამ დაათვალიერეს.
„საგვიჩიოში 3770 მეტრ მანძილზე დაიგო ცემენტ-ბეტონის საფარი, მოეწყო ეზოებში შესასვლელები, მილხიდები და რკინის ცხაურები. გზის რეაბილიტაციაზე დაიხარჯა 1 მილიონ 73 ათასი ლარი. ინფრასტრუქტურული პროექტი რეგიონებში განსახორციელებელი პროექტების ფონდისა და ადგილობრივი ბიუჯეტის თანადაფინანსებით განხორციელდა. სამუშაოზე ადგილობრივები დასაქმდნენ“, - ნათქვამია ინფორმაციაში.