წმინდა ნიკოლოზი სწრაფად შემწე და საკვირველთმოქმედია, არ ყოფილა შემთხვევა, რომ გაჭირვებულ ადამიანს მიემართოს წმინდა ნიკოლოზისთვის და წმინდა ნიკოლოზს უარი ეთქვას, - ამის შესახებ პატრიარქმა სიონის ღვთისმშობლის მიძინების სახელობის ტაძარში წმინდა ნიკოლოზის ხსენების დღესთან დაკავშირებით წირვის დასრულების შემდეგ ქადაგებისას ბრძანა.
უწმინდესმა წმინდა ნიკოლოზის სასწაულთმოქმედების შესახებ ისაუბრა და აღნიშნა, რომ დღევანდელი დღე განსაკუთრებულია, უფალს მრავალი წმინდანი ჰყავს, მაგრამ წმინდა ნიკოლოზი განსაკუთრებულია, გაჭირვებულთა მსწრაფლშემწეა.
პატრიარქის თქმით, წმინდა ნიკოლოზი IV საუკუნეში ცხოვრობდა და ზოგადად, ეს საუკუნე გამორჩეულია წმინდა მამებით.
„წმინდა ნიკოლოზი სწრაფად შემწე და საკვირველთმოქმედია, არ ყოფილა შემთხვევა რომ გაჭირვებულ ადამიანს მიემართოს წმინდა ნიკოლოზისთვის და წმინდა ნიკოლოზს უარი ეთქვას. გილოცავთ ამ დიდებულ დღესასწაულს. წმინდა ნიკოლოზი იყოს შემწე ყოველი გაჭირვებული ადამიანის“, - განაცხადა უწმინდესმა.