ბაჩანა შენგელია შს სამინისტროს და პროკურატურას მიმართავს, მისი დედის, ია კერზაიას გარდაცვალებაზე სასწრაფოდ დაიწყონ გამოძიება

ზუგდიდში სამხარეო ადმინისტრაციის შენობასთან, მე-6 საჯარო სკოლის გარდაცვლილი დირექტორის ია კერზაიას საქმის გამოძიების მოთხოვნით აქცია გამიართა. დირექტორის შვილი ბაჩანა ამბობს, რომ გამოკითხვაზე დაბარებულია მთავარ პროკურატურაში, თუმცა მისივე თქმით, ეს გამოძიების დაწყებას არ ნიშნავს.

„მივმართავ შს სამინისტროს და პროკურატურას, რომ სასწრაფოდ დაიწყონ გამოძიება. დაბარებული ვარ გამოკითხვაზე, თუმცა ჩვენ ვითხოვთ არა გამოკითხვას, არამედ გამოძიების დაწყებას და დამნაშავეების გამოვლენას, რომლებიც ჯერჯერობით რჩებიან თანამდებობებზე. იმ ოთხი ადამიანის გარდა, ვისზეც მივმართე პროკურატურას, მოვითხოვ სხვა დამნაშავეების გამოვლენას და მათ უმკაცრესად დასჯას“, - აღნიშნა ბაჩანა შენგელიამ.

მისივე განცახდებით, სურვილის მიუხედავად, დღევანდელ აქციას არ შეურთდნენ სკოლის მასწავლებელები და დირექტორები.

„მე ვიცი, რომ ისინი გულით აქ არიან, თუმცა , სავარაუდოდ, აქვთ გარკვეული შიში, რომ სამომავლოდ მათზე არ განხორციელდეს ზეწოლა“, - განაცხადა ბაჩანა შენგელიამ.

აქციაზე მე-6 სკოლის მოსწავლეები, ია კერზაიას ახლობლები და ოპოზიციური პარტიის წარმომადგენლები იმყოფებოდნენ.

ვიტალი ბალა - დარწმუნებული ვარ, რომ პუტინთან შეხვედრის შემდეგ ზელენსკი რუსეთის პრეზიდენტთან მიმართებაში ვარდისფერ სათვალეებს მოიხსნის
ქართული პრესის მიმოხილვა 11.12.2019
ბექა ინჯია - მაქსიმუმი უნდა გაკეთდეს იმისთვის, რომ არბიტრაჟისა და მედიაციის ინტიტუტების სტანდარტები საქართველოში მსხვილ ინვესტორთა მოთხოვნებს პასუხობდეს
ქართული USB კაბელი ტენე, მალე მეორადი ნარჩენებისგან დამზადდება
"ორიონ ჯგუფმა" ვირტუალური ფული შექმნა - სიახლე სამშენებლო სექტორში
პროკრედიტ ბანკსა და არასამთავრობო ორგანიზაცია CENN-ს შორის თანამშრომლობის მემორანდუმი გაფორმდა
ახალი ეტაპი „ემბავუდის“ განვითარებაში