ყვარლის ბაღების გაერთიანების თანამშრომელი ხელმძღვანელს ფსიქოლოგიურ ზეწოლაში ადანაშაულებს, ხელმძღვანელი კი ბრალდებას უარყოფს და პროკურატურისთვის მიმართვას აპირებს

ყვარლის მუნიციპალიტეტის ბაღების გაერთიანების ხელმძღვანელს, მაია სამიტაშვილს თანამშრომელი, მანანა ელოშვილი ფსიქოლოგიურ ზეწოლაში ადანაშაულებს. როგორც მანანა ელოშვილმა „ინტერპრესნიუსს" განუცხადა, მაია სამიტაშვილი, დაახლოებით ერთი წელია აიძულებს სამსახურიდან წასვლას და არათანაბარ სამუშაო პირობებში ამყოფებს.

„2013 წლიდან ვმუშაობ ყვარლის ბაღების გაერთიანებაში სპეციალისტად. მაია სამიტაშვილი 2015 წელს დაინიშა ხელმძღვანელად და მოსვლის დღიდან დაიწყო ჩემი დევნა. გამაგდო იმ ოთახიდან, სადაც ამდენი წელი ვმუშაობდი. გადამიყვანა ისეთი ოთახში, სადაც სინესტეა და საშინელი პირობები. ყველა თანმშრომელი ერთადაა, მხოლოდ მე მიკეტავენ კარს. შიშში ვართ ყველა, იმათაც აშინებს და ჩემთან ურთიერთობას უკრძალავს. ყვარელის მერსაც მივმართე დახმარებისთვის, თუმცა მათგან რეაგირება არ არის. რამდენჯერმე პოლიციაც გამოვიძახე, მათაც იციან რა პირობებში მიწევს მუშაობა“, - განაცხადა მანანა ელოშვილმა.

თანამშრომლის ბრალდებებს უარყოფს მაია სამიტაშვილი. მისი თქმით, ცრუ ბრალდებების გამო პროკურატურას მიმართავს.

„ეს არის სისულელე და სიცრუე. პირიქით, ის ცდილობს ჩემზე ზეწოლას. მხოლოდ ის კი არა, მისი ქმარი მოკვლითაც კი მემუქრება. ის არის სხვა თანამშრომლების მსგავს პირობებში. საქმის კურსშია პოლიცია, მუნიციპალიტეტის მერია და ამ ტყუილ ბრალდებებზე ვაპირებ პროკურატურასაც მივმართო“, - აღნიშნა ყვარლის ბაღების გაერთიანების ხელმძღვანელმა მაია სამიტაშვილმა.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 22.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს