ზუგდიდის სკეიტ პარკში ქალაქის მთავარი საახალწლო ნაძვის ხე საზეიმოდ განათდა. ღონისძიებას ადგილობრივი ხელისუფლების წარმომადგენლები და მოქალაქეები დაესწრნენ. ზუგდიდელებს დამდეგი დამდეგი ახალი წელი მერის მოვალეობის შემსრულებელმა მაიზერ ნანავამ მიულოცა. "ვულოცავ განათებული ზუგდიდიდან მთელს საქართველოს. 2019 წელი ყოფილიყოს ხვავის, ბარაქისა და წარმატების მომტანი, ბედნიერება დაებედოს მთელ ქვეყანას", - განაცხადა მაიერ ნანავამ.

საახალწლო ილუმინაციებით მორთულია ქალაქის ცენტრალური ქუჩები, ბულვარისა და დადიანების სასახლეთა ისტორიულ-არქიტექტურული მუზეუმის ტერიტორია. ადგილობრივი ბიუჯეტიდან დეკორაციების შესაძენად წელს 327 ათასამდე ლარი დაიხარჯა.