ზესტაფონში, ასლანიკაშვილის სახელობის სანაპიროზე, საახალწლო ნაძვის ხე და სადღესასწაულო განათება დამონტაჟდა. ინფორმაციას ზესტაფონის მუნიციპალიტეტი ავრცელებს.

მუნიციპალიტეტის მერმა, კახაბერ მახათაძემ ბავშვებთან და ქალაქის მოსახლეობასთან ერთად, ნაძვის ხე საზეიმოდ აანთო.

„ჩვენ თანაქალაქელებთან ერთად ვიზიარებთ სადღესასწაულო სიხარულს და ვეპატიჟებით ყველას 31 დეკემბრის საღამოს, მრავალფეროვან და მხიარულ სანახაობაზე. ადგილობრივ მომღერლებთან ერთად საახალწლო კონცერტში მონაწილეობას მიიღებენ ცნობილი ქართველი შემსრულებლებიც. ყველას გილოცავთ დამდეგ შობა-ახალ წელს“, - განაცხადა კახაბერ მახათაძემ.