პროექტის "მე მჯერა სანტა კლაუსის" ფარგლებში სოციალურად დაუცველ და განსაკუთრებული საჭიროების მქონე ბავშვებს ოცნებები აუსრულეს

ფონდი ,,ბილივი” მეოთხე წელია ახორციელებს კამპანიას, სახელწოდებით "მე მჯერა სანტა კლაუსის". პროექტის მიზანია, სოციალურად დაუცველი და განსაკუთრებული საჭიროების მქონე ბავშვებისთვის საახალწლო განწყობის შექმნა და მათი სურვილების რეალობად ქცევა. ,,ბილივის“ თანადამფუძნებლის, მარიკა ნადარაიას თქმით, წელს ბავშვების რაოდენობამ რეკორდულ მაჩვენებელს მიაღწია. მისივე ინფორმაციით, კამპანიის ფარგლებში სანტასგან საჩუქარს 227 ბავშვი მიიღებს.

პროექტი სამი წელია ფოთსა და ბათუმში ხორციელდება. წელს კი ამ ქალაქებს იმერეთის რეგიონი დაემატა. ,,ათეულობით პატარასათვის საახალწლო დღეებში სანტა კლაუსზე ოცნება რეალობად იქცევა. მათ სანტასთვის გაგზავნილ წერილებში ნანატრი ოცნებები უსრულდებათ. აქცია ბევრ გულისხმიერ და კეთილ მოხალისეს აერთიანებს, რომელებიც სოციალურად დაუცველი ბავშვების სანტები ხდებიან და მათ საახალწლო სურვილებს ასრულებენ. პროექტში ,,ბილივის“ მეგობარი ბიზნესკომპანიები და ინდივიდუალური შემომწირველები ერთვებიან. სამი წლის განმავლობაში ბავშვების საერთო რაოდენობა 299-ს შეადგენდა, წელს კი ეს ციფრი 227-ით გაიზარდა. ყველა პატარას ბედნიერ შობა-ახალ წელს ვუსურვებ. მადლობა ბიზნესკომპანიებს და შემომწირველებს ასეთი აქტიური ჩართულობისთვის. რომ არა მათი მხარდაჭერა შეუძლებელი იქნებოდა ეს ყველაფერი“,- განაცხადა მარიკა ნადარაიამ.

ბავშვებისთვის საჩუქრების გადაცემის პროცესი უკვე დაიწყო და 14 იანვრამდე გაგრძელდება.

თამარ ჩუგოშვილი - მე მგონი, ადამიანი არ დადის, ვისაც სჯერა, რომ უცებ მოხდა ამბოხი უმრავლესობაში - თვალში ნაცარი არავის უნდა შევაყაროთ
ქართული პრესის მიმოხილვა 14.12.2019
ვახტანგ ძაბირაძე  -  თუ სახელმწიფოს მართვის სისტემის შეცვლა გინდა, იმ გზას კი არ უნდა გადიოდე, რომელიც შენმა წინამორბედმა გაიარა
კომპანია „ფრეგოს“ მთავარი ინვესტორი განცხადებას ავრცელებს
„კავკასუს როუდ პროჯექტმა“ ბიზნეს პროცესების ავტომატიზაცია BDO-სთან პარტნიორობით განახორციელა
"Sarajishvili 2020" - უნიკალური გემოსა და დიზაინის მქონე სასმელი ამაღლებული საახალწლო განწყობისთვის
საფეხბურთო კლუბი „სამტრედია“ უმაღლეს ლიგაში გადავიდა
Archdaily „ლისი დეველოპმენტის“ პროექტების შესახებ სტატიას აქვეყნებს
ჩინური კომპანია POWERCHINA/SINOHYDRO 202-ე უსინათლო ბავშვთა საჯარო სკოლას ეწვია