31 დეკემბერსა და 1-2 იანვარს სასწრაფო დახმარების ჯგუფები რეგიონების მასშტაბით, ჯამში 9 030 გამოძახებაზე გავიდნენ, საიდანაც ინტოქსიკაციის 156 შემთხვევა დაფიქსირდა, ხოლო პიროქტექნიკით დაშავებულთა რაოდენობამ 32 შეადგინა, - ამის შესახებ ჟურნალისტებს დაგეგმარების, ხარისხისა და გამოძახებათა მართვის დეპარტამენტის უფროსმა ამირან გოგიტიძემ განუცხადა.
მისი თქმით, საახალწლო პერიოდში, რეგიონებში სასწრაფო სამედიცინო დახმარების ბრიგადები მოსახლეობას დახმარებას ინტენსიურად უწევდნენ.
„რაც შეეხება, უშუალოდ დაზიანებების ხარისხს, იყო როგორც მსუბუქი, ისე საშუალო სიმძიმის დაზიანებები. ნაწილს დასჭირდა კლინიკაში გადაყვანა და ნაწილს ბრიგადებმა დახმარება ადგილზე გაუწიეს“, - აღნიშნა ამირან გოგიტიძემ.