ქუთაისის ტურიზმის საინფორმაციო ცენტრის ინფორმაციით, ქუთაისში ტურისტების რაოდენობა 85%-ით გაიზარდა
ქუთაისის ტურიზმის საინფორმაციო ცენტრმა მედიის წარმომადგენლებს ანგარიში ჩააბარა.
ცენტრის ხელმძღვანელის, ტატო ლილუაშვილის თქმით, ქუთაისში ტურისტების რაოდენობა 85%- ით გაიზარდა. ამის მიზეზად ქუთაისის დავით აღმაშენებლის საერთაშორისო აეროპორტი სახელდება, სადაც დაბალბიუჯეტიანი ავიაკომპანიები ევროპის მიმართულებით რეგულარულ რეისებს ახორციელებენ.
ლილუაშვილის თქმით, გასულ წელს ქუთაისში ყველაზე მეტი ტურისტი გერმანიიდან ჩამოვიდა. მეორე და მესამე ადგილზე კი პოლონელი და რუსი ვიზიტორები არიან.
