ზუგდიდში, ტრადიციული საშობაო ალილოს მსვლელობა არ გაიმართება. როგორც „ინტერპრესნიუსს“ ზუგდიდისა და ცაიშის ეპარქიის მდივანმა მამა დიმიტრი ვეკუამ განუცხადა, მსვლელობა უამინდობის გამო არ ჩატარდება.

„დანარჩენი საშობაო ღონისძიებები, როგორც დაგეგმილი იყო, ჩატარდება, თუმცა მსვლელობა არ გაიმართება. მცირე საშობაო ლოცვა ჩატარდება ვლაქერნის ღვთისმშობლისა და მშენებარე ტაძრებშიც", - განაცხადა მამა დიმიტრი ვეკუამ.

ამასთან, სოციალურად დაუცველ ოჯახებს საჩუქრებს საქველმოქმედო კონცერტზე გადასცემენ.