ქუთაისში, „საქართველოს ბანკის" ფილიალში სწრაფი ჩარიცხვის აპარატის გაქურდვა სცადეს

ქუთაისში, თაბუკაშვილის ქუჩაზე „საქართველოს ბანკის" ფილიალის გაქურდვა სცადეს. არსებული ინფორმაციით, უცნობი პირები სწრაფი ჩარიცხვის აპარატის გაქურდვას ცდილობდნენ. შემთხვევა წუხელ მოხდა. მომხდარის შედეგად, დაზიანებულია ფილიალის კარი.

შინაგან საქმეთა სამინისტროს ინფორმაციით, გამოძიება 19-177-ე მუხლით, ქურდობის მცდელობის ფაქტზე მიმდინარეობს.