სალომე ზურაბიშვილი - თუ უზენაესი სასამართლოს მოსამართლეთა წარდგენის უფლებამოსილება პრეზიდენტს გადაეცემა, ეს იქნება დიდი პასუხისმგებლობა

თუ უზენაესი სასამართლოს მოსამართლეთა წარდგენის უფლებამოსილების პრეზიდენტისთვის გადაცემა საუკეთესო მექანიზმი იქნება, ეს იქნება დიდი პასუხისმგებლობა, - ასე უპასუხა სალომე ზურაბიშვილმა “ინტერპრესნიუსის“ შეკითხვას, სასამართლო სისტემის მიმართულებით შექმნილი კრიზისის ფონზე, ფიქრობს თუ არა, რომ შეცდომა და არასწორი გადაწყვეტილება იყო უზენაესი სასამართლოს მოსამართლეთა კანდიდატების წარდგენის უფლებამოსილების პრეზიდენტისთვის ჩამორთმევა და იუსტიციის უმაღლესი საბჭოსთვის გადაცემა და ამ მექანიზმის პრეზიდენტისთვის დაბრუნება რამდენად გამოასწორებს პროცესს.

ამ კონტექსტში სალომე ზურაბიშვილმა აღნიშნა ისიც, რომ პრეზიდენტი ვერ იტყვის, რომ საქართველოს კონსტიტუციაში რამე ხარვეზი არსებობს, რომელიც გამოსასწორებელია.

“თუ ეს იქნება საუკეთესო მექანიზმი, იქნება დიდი პასუხისმგებლობა. არ ვიცი, რა უნდა ვისურვო, თუ საკითხი ასე დგას. დღეს პრეზიდენტი ვერ იტყვის, რომ საქართველოს კონსტიტუციაში რამე ხარვეზი არსებობს, რომელიც გამოსასწორებელია. ეს ჩემი სათქმელი არ არის. თუ კონსტიტუციაში არის რამე ხარვეზი, ეს იმ ადამიანების სათქმელია, რომლებიც ამაზე მსჯელობენ. მე დღეს აღარ ვარ კანონმდებელი, რომელმაც კონსტიტუციაზე უნდა იმსჯელოს. თუ კანონმდებელმა ან საზოგადოებამ მიიჩნია რამე როგორც ხარვეზი, ეს არის მათი გადასაწყეტი. მე ვიქნები მხოლოდ მორჩილი, რაც ამ კუთხით გადაწყდება“, - განაცხადა სალომე ზურაბიშვილმა.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს