მე არ მაქვს მოვალეობა პოლიტიკური პარტიების გამაერთიანებელი ვიყო, თუმცა ვარ მზად ყველა პოლიტიკურ პარტიასთან მქონდეს ურთიერთობა, - ასე გამოეხმაურა საქართველოს პრეზიდენტი სალომე ზურაბიშვილი ოპოზიციურ პარტიებთან დაკავშირებით მის სამომავლო გეგმებს.

ზურაბიშვილის თქმით, „ყველას პრეზიდენტობა“ ეხება უფრო საზოგადოებას, ვიდრე პოლიტიკურ პარტიებს ."ყველასთან ვაპირებ თანამშრომლობას, მაგრამ ამისთვის ორივე მხარე უნდა იყოს მზად. სხვათა შორის, ჩემი გაგებით შერიგება და ყველას პრეზიდენტობა უფრო ეხება საზოგადოებას, ვიდრე მაინც და მაინც პოლიტიკურ პარტიებს. მე არ მაქვს მოვალეობა, პოლიტიკური პარტიების გამაერთიანებელი ვიყო, თუმცა ვარ მზად, ყველა პოლიტიკურ პარტიასთან მქონდეს ურთიერთობა", - აღნიშნა პრეზიდენტმა.

ზურაბიშვილი ასევე შეეხო „ნაციონალური მოძრაობის“ მიერ პრეზიდენტად მის არ აღიარებას. "ყველა მოწვეული იყო ინაუგურაციაზე, ყველას გაეგზავნა მოწვევა. მაგრამ ვინც არ მაღიარებს, რა ვუყო, არ ვიცი...", - აღნიშნა სალომე ზურაბიშვილმა.