ბათუმში ძლიერი ქარის შედეგად ტაბიძის ქუჩაზე საცხოვრებელი სახლის სახურავი დაზიანდა. როგორც საგანგებო სიტიაციების მართვის სამსახურში "ინტერპრესნიუსს" განუცხადეს, შემთხვევის შედეგად არავინ დაშავებულა. უწყების ცნობით, ბათუმში ძლიერი ქარის გამო, რამდენიმე შეტყობინება უკვე შევიდა. ტაბიძის ქუჩაზე, სამაშველო სამსახურის წარმომადგენლები იმყოფებიან, რადგან სახურავის ჩამოვარდნის საფრთხე არსებობდა.
ამ დროისათვის ბათუმში ძლიერი ქარია. ზღვაში კი შტორმი 5 ბალამდე აღწევს.
სინოპტიკოსების ცნობით, დღის მეორე ნახევარში ამინდი კიდევ უფრო გაუარესდება.