დმანისის მუნიციპალიტეტში ძლიერმა ქარმა საცხოვრებელი სახლების სახურავები დააზიანა. ძლიერი ქარის შედეგად დაზიანებულია ორი მრავალბინიანი საცხოვრებელი კორპუსის სახურავი.
ადგილზე შექმნილ სიტუაციას დმანისის მუნიციპალიტეტის მერი გიორგი ტატუაშვილი ეცნობა, ასევე, მობილიზებულია სახანძრო-სამაშველო ჯგუფი.
ამ დროისთვის გაწმენდითი ღონისძიებები ორ ლოკაციაზე მიმდინარეობს, კერძოდ 26 მაისის N9 და გორგასლის N7 კორპუსების მიმდებარე ტერიტორიაზე.
როგორც დმანისის მუნიციპალიტეტის მერიაში აცხადებენ, სტიქიის შედეგების სალიკვიდაციო სამუშაოების დასრულების შემდგომ მოხდება დაზიანებული სახურავების რეაბილიტაცია.