ძლიერი ქარის შედეგად, ბათუმში, ჯავახიშვილის ქუჩაზე სამშენებლო ობიექტიდან სამშენებლო ინვენტარი ჩამოვარდა, რის შედეგადაც ჯავახიშვილის ქუჩაზე მოძრაობა შეფერხდა. ადგილზე ბათუმის მერი ლაშა კომახიძე მივიდა.
ლაშა კომახიძის თქმით, უამინდობის გამო, ქალაქის მასშტაბით 15 გამოძახება დაფიქსირდა.
ბათუმის მერმა მოსახლეობას მოუწოდა, რომ სამშენებლო ობიექტებთან ფრთხილად იყვნენ.
„ამ დროისთვის ქარი ჩადგა, 15 შეტყობინება მივიღეთ ქალაქში, დაზიანებულია სახურავები, ლერმონტოვის ქუჩაზე წაიქცა მოსაცდელი. გადავკეტეთ ჯავახიშვილის ქუჩა, რადგან მშენებარე კორპუსიდან ნარჩენები ცვივა და საერთოდ, მოვუწოდებ მოსახლეობას სამშენებლო ობიექტებთან იყვნენ ფრთხილად“, - განაცხადა ლაშა კომახიძემ.